November 3, 2013

年記

唔知太忙, 還是太懶, 寫 Blog 嘅習慣近一兩年已經冇咗.

個人覺得寫日記嘅習慣的確係好, 就算唔長篇大論, 寫幾隻字都好呀. 因為你而家問返我 6, 7, 8 歲嗰時做咗啲咩, 我真係連一兩隻字都回想唔起.

仲有三日就 24 歲, 真係唔覺唔覺.

上年 2012 Xmas 考完試, 開始主接一啲 Freelance 比較大少少嘅工作, 搵到少少錢. 同埋寫咗個 HKEPC 嘅 APP, 都算有小小人氣.

之後一月開始又係返學, 返學, 再返學. 四月又係同女朋友仔去海馬公園. 哈, 上年又係去呢度.

去到五月又考試, 完咗之後, 又繼續做 Freelance, 搵到啲錢又身痕. 呢個暑假開始不停淘寶, 淘咗好多嘢: 耳機, 相機, 衫, 袋. 垃垃圾圾. 遲啲可以寫返啲心得. 淘寶多數都係好嘢, 只要小心啲. 計埋運費都平過香港買, 太吸引.

9月1日又開始返學, 返學, 去到現在都 SEM 尾了. 今年有 Database, English, Formal Language, OS, Mobile 嘅科要讀, 讀書嘅嘢, 我從來都放唔到上心, 我做足啲嘢畢到業就算, 大學啲嘢又難又多又悶. 有人話讀大學要拎高 GPA, 一級榮譽畢業. 不過對於一個原來以為中五就畢業嘅我嚟講, 去到呢度已經賺咗. 我覺得已經超越咗我自己嘅極限. 所以 GPA 夠畢業都滿足, 知足常樂嘛 🙂

心裡其實有啲夢想, 我個人又好怕俾人笑XD, 唔敢講出嚟. 有機會再分享, 希望有一日會實現.